( إسعى )

إحلَم ...

صَدّق حلمك ...

إسعى ؛ باذن الله هاتحَقّقُه .

تسالني ليه ؟!

هاقولك لانك ...

لوسعيت .. ربنا هايساعدك ...

بس كل انسان .. و ليه مبدأه .

#elsha3eRr

إسعى .. جَرّب .. حاول ...

اصل فيه صعب ، لكن مفيش مستحيل .

طول ما فيك نَفَس .. اصبر ع الدنيا .. و احلم ...

خَلِّي نَفَسَك طويل ...

ده بخطوه واحده بس .. بيبدأ مشوار الألف ميييل .

#elsha3erRr

أول خطوه في تحقيق حلمك ...

حَوِّلُه من مستحيلك لصَعبَك ...

هاتلاقي سهولته في صعوبتك ...

خليك مُصِّر على حلمك ...

إشغِل بيه فِكرَك ...

صَدّق نَفسَك ...

قول يارب .. هاتلاقيه كَرَمَك ...

و صَدّقني .. باذن الله هاتحقق حلمك .

حَدِّد هَدَفَك .. بُص لنَفسَك ...

و شوف انت عايز تبقى ايه .. و تبقى فين .

اصل اللي قَبلَك ...

لو كانوا زيك .. من غير حلم ...

عُمرُهُم ما كانوا وِصلوا للي وِصلوا ليه .

#elsha3erRr

لما تموت ...

المَلَكِين هايسألوك ...

عَمَلت إيه في دُنيِتَك ؟؟ و سيبت إيه للناس ينفعهم ؟؟؟

و لو ماعملتش خير في حياتك ...

هايكون صوتك سكوت ...

فأكيد هايعَذِّبوك ...

و بردُه هاتفضل ساكت .. ماعندكش اجابه على سؤالهم .

#elsha3erRr

قصدي من ده كله ايه ؟!!!

قصدي لازم يكون ليك حلم تعيش ليه ...

حتى لو ماحققتهوش .. كفايه انك سعيت ...

لكن لو حققته ؛ تبقى عملت طريق لناس يمشوا فيه ...

و بعد ما توصل لاخر طريقك ...

اعمل طريق تاني ؛ علشان ناس غيرهم يمشوه .

#elsha3erRr

لازم تفهم ...

إنك لما تسعى لتحقيق حلمك .. أهم من انك تحلم .

إحلم ...

ماتوقَّفش طموحك .

إحلم ...

لحد ما من جسدك تُخرُج روحك .

صغير ، كبير ؟؟!

إحلم .

غني ، فقير ؟؟!

إحلم .

#elsha3erRr

... إفهم ...

إحلم .. إسعى ؛ باذن الله تحقق حلمك .

( JUsT DReaM )

#elsha3erRr

24/9/2015