( انا الفرفور )
كل كلام .. بيكَوِّن جمله .. ليها معنى في اخر السطر ...
افهم .. فَكّر .. حِس المعنى .. { ده فيه مَيَّه(مياه) بتِطلَع م الصخر} ...
إتأكد م الحقايق و ابعد .. عن سوء التفاهم و الظن ...
إعرف و قَدّر كل الزوايا .. و احكم ع المضمون و الشكل .
#elsha3erRr
... انا الفرفور !!!
انا الفرفور .. انا الكلام اللي بين السطور ...
انا الفعل .. انا المفعول !!!
و انا اللي كنت .. في نظركوا تافه .
انا المعلوم ، انا المجهول ، انا المريض ، انا العلاج ، انا السموم ...
... انا المشاكل و الحلول !!!
و انا اللي لعقولكوا شاغل .
... انا السافل ...
انا السافل باحترامي .. و انا العاقل بجنون ...
انا اللي في لِبسِي الوان الفرح بس الدَمع في العيون ...
... انا مش بشكي همي .. لأ ...
انا عايز الكل بجد يصدق .. إن ...
{ الانسان باخلاقه ، مش بكلامه .. بتفعيل المبدأ }
... و اعوذ بالله ...
أعوذ بالله مِ الكفر ، مِ الشهوه ، مِ الغيره و الغُرور ...
أعوذ بالله مِ الحسد و كمان من سوء الظنون .
... انا مش بستشيخ ...
يا عقول مريضه فاكره .. { كل شكل مضمونُه زَيُّه } ...
يا نفوس ضغينه مش عامله حساب لموتها و ايه عواقبه .
... يا ناس يا جَهَلَه ...
يا ناس يا جَهَلَه سَفَلَه و عامله عايشه باحترام ...
يا ناس يا منافقه و فاكره .. اعمالها خاليه مِ الحرام .. انتوا ...
... ناس مريضه .
#elsha3erRr
انا فاكر ...
نَظرِة اول انسان كانت بدافع الغيره .
كنت سامع ...
صوتُه و صوت عيونه ، لكن بنبره غريبه .
كنت عارف ...
علشان حَسّيت و إتأكدت من خيانته المُريبه .
و بِفَضل ربي احساسي عمرُه ما خانني لكن علمني علشان حَذّرني .. م الناس الحقوده .
... انا ...
انا اللي إتخان و عاتب !! انا الشاب اللي شايب ...
انا اللي إتساب و حابب .. يِحّس بحبيبُه .. مع إنه سابُه !
انا اللي بيقولوا عَنُّه .. عقله كبير مع صُغر سِنُّه ...
انا اللي مرتاح و واجعه إنه .. مش مفهوم من أقرب ناسُه .
انا اللي سايب ذِكرَى .. في قلوب و عقول حاقده و مُحبه ...
انا اللي بيبعد فتره .. علشان ؛ يتعلم من ماضي ايامه .
... انا .. و العياذ بالله من غرور الأنا ...
#elsha3erRr
انا الفرفور .. انا الكلام اللي بين السطور ...
انا الفعل .. انا المفعول !!!
و انا اللي كنت .. في نظركوا تافه .
انا المعلوم ، انا المجهول ، انا المريض ، انا العلاج ، انا السموم ...
... انا المشاكل و الحلول !!!
و انا اللي لعقولكوا شاغل .
... انا السافل ...
....... انا الشاعر .
11/5/2017
تعليقات
إرسال تعليق